Vor der Schule
Var d´r Schule
"Is´n häde geene
Schule,
Wullt´rn nor noch nich uffschdieh´,
Ich soll wuhl erscht in Voder hule?
Do ward´s schunne fixer jieh!"
"Welch´ Zäd is´n
itze, Mudder,
jots´n schunne holb jeschloon?"
"Gläch drävardel is´, Ihr Luder,
Vurwarts´j nu unn zieht Aech oon."
"Wos D´r nor noch
mahrt su lange,
Wu´s de hechste Zäd schunn is´,
´s ward enn warrlich angst unn bange,
Wenn ´m´r Aech su zusah´muß."
"Woscht´rn eegentlich
Aech balle?
´s Wosser, dos schdieht lange salt,
In d´r Helle hängt de Quale
unn d´r Goffee is´holb galt."
"Aejebruggdes aß ich
lieber
unn glor´n Zugger draofjeschdroot."
Hall´ m´r ´sch Maol, sinst summ ich nieber!
´s is´mä Siele anne Nut
Mit dan Ginnern hätbädooge!
Nischt is farsche jut jenunk,
Nich mol Fläommusbrud soll dogge."
"Wenn ´ch bedenk, wie
wir worn junk!"
"Jab m´r mol män Ranzen rieber,
A lahnt hihgne nab´n dr Hitsche,
Mäne Scharze, die Hängt drieber,
Schmäß se nieber uff de Britsche!"
"Mudder, sah´n m´rn jut unn reene,
Doß dr Gonder nich arrnt brummt?"
"Na ´s is jut, mocht nor nu Beene,
Doß dr nich se schbeede gummt."
Quelle: 5. Band
Holzlandvolk 1935
Mundartliches aus dem
Altenburger Holzland